وبحسب موقع "عربي 21" فقد أضاف أمين في حلقة من برنامج "الحياة اليوم" بثتها فضائية "الحياة" الخميس: "لازم نعترف إن السيسي جامد، حمّر عينيه لرئيس البنك المركزي، فالدولار نزل بقدرة قادر من 13 جنيه إلى 10.5 جنيه خلال ساعتين، ولو دخل بثقله الجنيه هيساوي 10 دولار".
وتابع: "إشي خيال يا ناس، كل ده والسيسي مدخلش بتقله، كل اللي عمله إنه قعد ساعتين مع الناس وحمّر لهم عينه بس، وقالهم: ها وبعدين؟ فالدولار نزل 2.5 جنيه، ولو واجه أزمة الدولار بنفسه احتمال الجنيه يبقى بـ10 دولار".
وأكمل: "اللي حصل امبارح والنهار ده مش منطقي، المعادلة اللي فضلت معقدة على الدولة المصرية كلها، وعلى القطاع المصرفي كله، وعلى محافظ البنك المركزي اللي بقاله شهرين ثلاثة بيتشقلب عشان يدوّر على حل عشان ينزل الدولار قرش ولا اتنين قرش، وبعدين المشكلة تتحل في ساعتين زمان".
وتساءل: "هل المتلاعبون وشركات الصرافة خافوا أول ما عرفوا إن السيسي مع المجموعة الاقتصادية؟ وهل خوفهم ده يهبد الدولار الهبدة دي؟".
ووصف النشطاء حديث أمين بأنه "يضفي هالة خارقة على السيسي، ويدخل في باب التطبيل له".
ووجّه الصحفي حافظ الميرازي انتقادا حادا لتامر أمين، قائلا في رسالة وجهها له عبر "فيسبوك": "عزيزي تامر، إذا كنت ترى أن مجرد استخدام الرئيس ساعتين فقط من وقته في معالجة أزمة الجنيه؛ أدى إلى انخفاض سعر الدولار بثلاثة جنيهات، (ولو انه دخل بتقله في الموضوع فاحتمال إنه سيحول سعر الجنيه الواحد إلى 10 دولارات)، طيب في رأيك إيه اللي مانعه؟".
وأضاف: "كل ما أخشاه عزيزي؛ أن تختبئ في بيتك المرة القادمة حين يبحث المعدّون عنك -لو حدث تغيير سياسي في مصر- لتبرر للناس أقوالك السابقة المسجلة عليك".
وعلق خالد الرسيني: "خلاص.. والله فكرة حلوة، نلغي ارتباط العملة بالذهب والبترول والعوامل المؤثرة، ونربطها بعين السيسي".
وعقبت الصحفية إنجي مصطفى: "يا تامر يا غير أمين! إنت يا بتكلم عيال في كي جي، يا جاهل، مالهاش حل تالت للأسف".
وقالت ياسمين فوزي: "تامر أمين بيقولك إن السيسي لو تدخل الجنيه هيبقى بـ10 دولار! آه وربنا! طب يا جماعة اللي معاه دولار يخلص منه فورا، ده تحذير وإنذار".
وقفز سعر الدولار في السوق الموازية (السوداء) في مصر؛ إلى مستوى تاريخي جديد، متجاوزا 13 جنيها في منتصف الأسبوع الجاري، ما أثر على أسعار السلع الاستهلاكية والغذائية إلى حد كبير.
109-1