العالم - مصر
وقال شعلان في مداخلة هاتفية مع وائل الإبراشي على القناة الأولى بالتليفزيون المصري وبرنامج "التاسعة": "المدرجات مقفولة وبنحضر في قاعات غير مجهزة وكلنا عندنا أسر وبنخاف عليها، وعندنا حالات كورونا في كلية الزراعة جنبنا، وأكيد اختلطنا بيهم،"، وكان تعليق الإبراشي على صور القاعات "دي مصنع كورونا مش قاعات محاضرات".
وكتب أحمد عاطف هلال: "الطالب مصطفى شعلان عمل مداخلة مع وائل الابراشي بيشتكي من التكدس في كلية تجارة دمنهور. النهاردة الكلية أصدرت قرار بفصله لمدة عام.
يعني بالعربي كده يا تموت وانت ساكت يا تتفصل! ياريت كلنا ندعم قضية مصطفى عشان الظلم اللي وقع عليه ممكن أي حد فينا يقع فيه.#حق_مصطفي_شعلان".
وغرد علاء مسعد: "طالب بيتفصل علشان قال كلمه حق .. علشان خاف على نفسه .. علشان خاف على أهله .. علشان خاف على زمايله وأصحابه من التكدس .. اتفصل لمجرد انه عمل مداخلة تلفزيونية بيوضح المشكلة . #حق_مصطفي_شعلان".
كما وصف كمال الشويخ: "يعني احنا بدأنا الدراسة متأخر ومش راضيين يحذفوا أجزاء من المناهج ومش راضيين يأجلوا الإمتحانات .. حسبي الله ونعم الوكيل #حق_مصطفي_شعلان #مش_نازلين_امتحانات_ياريس".
وعلق عبد الرحمن الحسيني على ما حدث: "تداري على فشلك ازاي ؟ تفصل اللي صوته عالي وبيقول كلمة حق .. حسبي الله ونعم الوكيل. #حق_مصطفى_شعلان".
وقالت آية وحيد: "#حق_مصطفي_شعلان.. افصلوا المصابين كمان علشان ده تسيب وإهمال.. ازاي يتصاب بفيروس منتشر في العالم كله".
وقالت شهد محمد: "فصل الطالب مصطفى شعلان والطالبة ألاء نزيه (تجاره دمنهور) بعد مداخلتهم فى أحد القنوات وعرض صور للمدرج داخل الكلية وهو متكدس بالطلبة.. انزل موت ومسمعش صوتك مش عاوز صداع #مش_نازلين_امتحانات_ياريس #مش_نازلين_الامتحان #مش_نازلين_امتحانات_ياريس #حق_مصطفي_شعلان".
وأشار محمد: "#حق_مصطفي_شعلان.. طبعا لازم يعملوا قرار زي دا لأنهم عارفين أن في حالات إيجابية فالكليات وساكتين طالما هما بيعملوا اجتماعات فيديو خوفا على أنفسهم وينزلوا الطلاب عادي دي اسمها تضحية".
وكتب أحمد رمضان: "طالب بيقول كلمة حق وبيطالب بحقه وحق زمايله علشان متحصلش كارثة يكون ده جزاؤه !! ايه الوساخة اللى احنا وصلنالها دى ! فين الإجراءات الاحترازية يا وزير !! ولا انتوا خلاص ادمنتوا الكلام من غير فعل! #حق_مصطفي_شعلان".
