وفي حين اختلف المغردون في البداية عن مكان الفيديو حيث قال البعض انه في السعودية وذهب الآخر الى انه في مصر، حسمت وزارة الداخلية المصرية الامر عندما أعلنت تمكنها من تحديد المدرس المسن صاحب فيديو التحرش بتلميذة داخل غرفة مغلقة.
وقالت الداخلية المصرية إنه تبين أن "المدرس المسن من منطقة الخليفة بالقرب من وسط العاصمة المصرية وقد تمكنت الأجهزة الأمنية من القبض عليه، وجار عرضه على جهات التحقيق لمواجهته بالفيديو المتداول".
ادعموا الهاشتاق كي لايفلت الجاني
صفحة "ثورة نساء مصر" طالبت بنشر الهاشتاق لدفع الدولة للتحرك، وقالت: "مدرس كان بيقفل الغرفة أثناء الدرس الخصوصي عشان يتحرش ببنت عندها ١٠ سنين بس عشان ربنا أراد يفضحه واحد شافه و صوره فيديو من الشباك و طبعا الفيديو مقزز جدا انشرو الهاشتاج #اعدام_المدرس_المتحرش"".
"tevld" غردت "فعلو الهاش دا وياريت الكل يشارك الموضوع دا خطير وحاصل مع طفله من مدرس متحرش وقد يكون حصل دا معا اطفال تانيه منه او مع احفاده او مع اي حد الكل يشارك هنا علشان تكون سرعه القبض علي الشخص دا ومحاكمته وانقاذ الاطفال منه".
ضرورة توعية الاطفال :
"﮼ليلىٰ" شددت على انه "لازم نعلم اطفالنا الثقافة الجنسية حسب اعمارهم لازم نفهمهم ان ممنوع حد يلمسك و اذا حصل اوعى تسكت وارفض كدا منسيبش اطفالنا مع مدرسين لوحديهم ابدا او مكان مقفول عليهم و لا مع رجال دين او اي شخص غريب قلبي بيتقطع كل ماتخيل طفل او طفلة اتعرضوا للبشاعة والقذارة دي #اعدام_المدرس_المتحرش".
"Fatma Riad" اشارت الى ان "خصوصية الجسد أمر يجب أن يتعلمه الطفل فى صغر سنه «محدش يلمسك ولا حتى هزار ، يجب أن يتعلم الطفل أن جسمه ملكه هو وحده، وليس لأحد حق لمسه أو الاقتراب منه خارج نطاق الأبوين ...احنا امتى بقى مش هنشوف المناظر الى توجع القلب دى".
"نعناعة" قال: "انا قلبي وجعني بجد البني ادمين بقو مرعبين اللهم أخرجنا منها سالمين محدش يخرج طفل برا بيته سواء حضانة ولا مدرسة ولا نازل يلعب في الشارع غير وهو فاهم أن محدش مسموح ليه انه يلمسه وأنه لازم لازم يسرخ ويقول ل حد كبير ربنا يكون في عون الأهالي اللي بتخلف في مصر".
التحرش في القاهرة الأعلى على مستوى العالم
ولم تكن هذه هي المرة الأولى التي يتحرش مدرس بتلاميذه ففي فبراير الماضي تم القبض علي مدرس تحرش بأكثر من 120 تلميذة في القضية التي عرفت وقتها بـ"عنتيل المدارس".
والقاهرة ضمن المناطق التي تشهد أكثر حالات التحرش على مستوى العالم.
وطالب المغردون الدولة بملاحقة المتحرشين، كما طالبوا من الضحايا وأهاليهم عدم السكوت وتقديم الشكاوي.
"سانا" أشارت الى انه "يا كثر المدرسين المتحرشين سواء بالمدرسه أو الدروس و أسوأ حاجه المدرسين اللي في للمدرسه بياخدو راحتهم و محدش بيقدر يتعرضلهم و بيكذبو البنات عندنا مستر مفيش بنت سابها من غير مايتحرش بيها سواء لفظياً ولا جسدياً بيحط ايدو علي أجسام البنات و الكل يعرف بس ساكتين".
"Sara Khaled" قالت: مربي اجيال متحرش !!! وعايزين جيل سوي نفسياً !!!
"ahmed salahelden" أكد ان "التحرش بالاطفال جريمة شنيعة ومنحطة جدا ولازم لها عقوبة رادعة تكون الإعدام عشان المجرم يكون عبرة ل اى حد يفكر بس".
وتندد مؤسسات مدنية بهذه الظاهرة في البلاد منذ سنوات وتطالب الدولة بتشديد العقوبات على المتحرشين وكذلك إخفاء بيانات السيدات خوفا من الوصم الاجتماعي، محملة السلطات المصرية مسؤولية التهاون في قضايا التحرش..