العالم - مصر
وأضاف السيسي في كلمته خلال افتتاح مشروعات قومية وتنموية بمحافظتي بورسعيد وشمال سيناء: "بقولكم كل حاجة عشان هتقولوا بعدين أطلقوا الموضوع من بورسعيد (منظومة التأمين الصحي الشامل) وقالوا هنفتح في 5 محافظات، وفي خلال الـ15 سنة هيغطوا مصر، وفاتوا الـ15 سنة ومغطوش مصر ونفشل زي ما فشلنا قبل كدا".
وتابع الرئيس المصري: "هتقولولي إيه اللي أنت بتقوله ده إحنا جايين نحتفل، أنا عارف إن اللي بقوله يتنافى مع الإعلام والسياسة، لكن أنا هتحاسب قدام ربنا على كل كلمة بقولها، ولو عاوزين اللي بنفتتحه النهارده ينجح، الدولة ملتزمة في الشق الخاص بيها، والـ8 مستشفيات اللي قولنا هنرفع كفاءتهم ونجهزهم رفعنا كفاءتهم وجهزناهم عشان نشوف نتائج التشغيل هتعمل إيه، ورفعنا كفاءة المراكز الطبية، والأموال المخصصة عشان العلاج هيتم تقديمها، والمشروع مش هينجح في مصر إلا إذا تحقق كل من بنى عليه المشروع".
وافتتح الرئيس المصري، اليوم الثلاثاء، مشروعات قومية في محافظتي بورسعيد وشمال سيناء، بينها مستشفى النصر التخصصي للأطفال ضمن منظومة التأمين الصحي الشامل، كما افتتح أنفاق بورسعيد ومحور 30 يونيو.