العالم - منوعات
وأكد الفنان الشعبي أنه سجل أغنيته، وهي من تأليف إسلام خليل، في يوم واحد، وذلك لاعلان تضامنه مع القدس والشعب الفسلطيني.
وأشار في تصريح لصحيفة "اليوم السابع" إلى أن "ترامب مالوش في السياسة، أنا معرفش إيه إللي قومها في دماغه وخلاه يبقى رئيس"، وشدد على أن "القدس عربية".
يذكر أن شعبان من أكثر الفنانين الذين يتناولون الأوضاع السياسية في أغنياتهم، وذلك منذ أغنيته الشهيرة "أنا بكره إسرائيل".
وتقول كلمات الأغنية :
ترامب خلاص اتجنن .. محتاج يا ناس قفص
وكله يخلى باله .. لو عض أو رفس
مالك ومال القدس .. أما أنت راجل رذل
كبرت خلاص يا ترامب .. ولازم تعتزل
عامل علينا معلم .. علشان إحنا دلعناك
مافيش غير بس كوريا.. هى اللى مظبطاك
إكمنك شكل هوجان .. ماشى تخبط بإيديك
مافيش غير كيمو يانج .. هو اللى بيقدر عليك
يا راجل اختشى على دمك .. بجد عيب عليك
ولعت الدنيا بكلمة .. يارب تعمى عنيك
يا ترامب يا صهيونى .. يا ممثل دوبلير
الشعب العربى كله .. مش هيعديها على خير
القدس هتفضل باقية .. عربية ليوم المعاد
يا جماعة فين القدس .. أمال فين الجهاد
قاعدين تجاهدوا فينا .. جهاد مالهوش مثيل
أنا نفسى أشوف جهادكم .. فى أمريكا وإسرائيل
القدس أهى بتتسرق .. بنقول يا مين يحوش
قولنا الربيع العربى .. مؤامرة ماصدقوش
ترامب ناوى يخربها .. ويولع الفتيل
طالع يقول القدس .. عاصمة إسرائيل
لو مرة يا عرب اتحدوا .. اكسروا سم التعبان
ده المتغطى بأمريكا .. وحياة ربنا عريان
فتحت فاتوحة على نفسك .. يا ترامب ومش هتفوت
القدس خط أحمر .. وباقية مش هتموت
إياك تتكلم تانى .. على صلح أو سلام
ده أنت الإرهاب الأصلى .. وشوية عليك إعدام
الموج والنبى لنهده .. يالى صنعتوا الإرهاب
إسرائيل إيه يا جدو .. ليلة أبوكو هباب
الغضب الساطع ات .. ياترامب يابن ماريكا
ولا إسرائيل هتحوشو .. ولا مامتك أمريكا
102