وعلق يوسف قائلاً: "أنا مش نشرة اخبار، مش وكالة أنباء ومش صفحة وفيات. انا مش مطالب اني اعلق على اي احداث انت شايف المفروض اني اعلق عليها، من أول نزاع في بلد معين لانقلاب في بلد تاني لوفاة حد في بلد تالتة، لو حصل وعلقت فده لأني بامارس نفس الحرية اللي أنت بتديها لنفسك أنك تتكلم على إيه وما تتكلمش على ايه".
وأضاف يوسف، "العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب وما اتكلمتش على فلان او علان او ما جبتش سيرة ترتان ليه. نفس الناس اللي تقولك ما علقتش على احداث معينة ليه، ولو علقت يقولك طب ما اتكلمتش على الحدث التاني ليه العالم مش مستني ستاتوس الفيسبوك عندي او عندك عشان يتصرف على حسب حنكتب ايه. احنا كلنا أتفه من كده. والملائكة مش واقفة على حساب تويتر تشوف مين اللي اترحم على مين ومين لا. وأبواب السما او الجحيم مش مستنية عدد اللايكات والشير عشان تقرر تفتح لمين وتقفلها في وش مين. الحياة والموت والترحم كانوا موجودين قبل الفيسبوك وتويتر والانترنت شخصيا. الحياة الاخرى مش واقفة على التويتة بتاعتك".
وتوفي العالم المصري-الأمريكي الحائز على جائزة نوبل للكيمياء أحمد زويل عن 70 عاما الثلاثاء، موصيا بان يوارى الثرى في مصر.
المصدر: وكالات + تويتر
103-4